open musi

jan pi wile sona li toki tawa mi e ni: “sina toki kepeken toki pona tan seme? jan seme li toki sama?”.

mi toki e ni: “mi toki kepeken toki pona tan ni: ona li musi. kama pi sona toki li pona tawa mi.”

taso, jan pi wile sona li toki e ni: “sona pi toki pona li sona pi toki ala. sina o kama sona e toki lon.”

mi toki e ni: “toki pona li toki lon ala lon?”

jan pi wile sona li toki e ni: “toki pona li lon ala. sina o kama sona e toki Tosi e toki Sonko e toki Epanja. sina ken ala esun kepeken toki pona. “

mi toki e ni: “mi wile ala esun. ante la toki pona li ken pana e sona pi toki ante tawa sina. taso, ni li pana e sona ala la ni li awen pona.”

ijo suli

ijo suli li ni: toki pona li musi. jan mute li toki e ni: “mi o kama sona e toki pona tan seme?” taso, toki pona li musi ala tawa sina la sina o kama ala sona e toki pona. tan ante li lon ala. musi li ale.

“musi li ale” li nasin wawa. jan mute li toki lawa e ni: “toki pona o wan e jan ale. toki pona o toki International Auxillary Language!” taso, ni li pakala e nasin wawa. toki IAL li musi ala! nasin pi wan e jan ale li musi ala! mi toki tu: toki pona li musi ala tawa jan la jan o kama ala sona e toki pona. taso, toki IAL li pona la toki IAL li wile e ni: jan ale li ken toki lon ona. ona li pona (jan ale li toki e ona) la jan mute li wile ala toki lon ona li musi ala toki. ni li ike suli. mi ale o kute e nasin wawa.

ante la kulupu pi toki pona li pana e pona mute tawa jan ale. jan suli li toki wawa e ni: “kulupu suli li ken ike”. ni li lon lili, taso, nasin wawa li ken awen e pona pi kulupu ni. kulupu li suli la toki pona li musi tawa jan ale kulupu la kulupu li awen pona. mi toki tu: musi li ale.

pini musi

jan pi wile sona li toki e ni: “sina ken ala toki tawa jan lon linluwi ala.”

mi toki e ni: “sina ken ala toki tawa mama sina lon linluwi ala. mi en mama sina li toki lon tenpo pimeja ale.”