tenpo suno pini la mi open e ijo musi. mi wile pali e lipu 100.

lipu ni li lipu wan. mi sona e jan pi toki Inli ala lon ilo Twitter. tan la mi wile ante e lipu pini tawa toki pona. :)

jan @visakanv li pali e nasin “o pali e ijo 100”. nasin ni li pana e pilin pona tawa mi li monsuta tawa mi. a a a, lawa ADHD li wawa. taso, mi namako e lipu suli. tan ni la mi wile alasa e nasin ni.

mi toki insa e ni: mi pali e lipu lili la mi pilin ike. mi jo e toki lili la mi o tawa ilo Twitter. taso, ni li ike. mi wile pali lon lipu ni. pali e lipu 100 la mi li wile pali e lipu lili li wile kama pona.

lipu ni li toki taso ala e ijo wan. a, lipu ni li toki e ijo ale. ken la mi pali e lipu nanpa suli e lipu musi lili sin.

mi sitelen e “100-blog-posts” lon lipu ni ale. wile lukin la sina ken alasa lon ni.

tawa pona!